https://www.youtube.com/watch?v=9py11HaVaAM

മുംബൈ: എഴുപതുകളിലും എണ്‍പതുകളിലും ബോളിവുഡ് സിനിമകളില്‍ ശ്രദ്ധേയമായ വേഷങ്ങള്‍ കൈകാര്യം ചെയ്ത പ്രമുഖ നടി മധു മല്‍ഹോത്ര അന്തരിച്ചു.72-ാം വയസ്സായിരുന്നു. മാർച്ച്‌ 13-ന് മുംബൈയിലായിരുന്നു അന്ത്യം.

സിനിമാപ്രേക്ഷകരുടെ മനസ്സില്‍ ഇടംനേടിയ നടിയായിരുന്നു മധു മല്‍ഹോത്ര. നൂറോളം സിനിമകളില്‍ മികച്ച പ്രകടനം കാഴ്ചവെച്ച താരം സിനിമാപ്രേമികള്‍ക്കിടയില്‍ ഇന്നും പ്രശസ്തയാണ്. സൂപ്പർഹിറ്റ് ചിത്രം ‘ഹീറോ’യിലെ ‘ലമ്പി ജുദായി’ എന്ന ഗാനരംഗത്ത് അവർ അവതരിപ്പിച്ച കഥാപാത്രം ഏറെ ശ്രദ്ധിക്കപ്പെട്ടിരുന്നു.

‘സത്തെ പേ സത്ത’, ‘കർസ്’, ‘വിശ്വനാഥ്’, ‘വിധാത’ തുടങ്ങിയവയാണ് മധു മല്‍ഹോത്ര അഭിനയിച്ച മറ്റ് പ്രധാന ചിത്രങ്ങള്‍. നിരവധി സിനിമകളില്‍ അവിസ്മരണീയമായ പ്രകടനം കാഴ്ചവെച്ച മധു മല്‍ഹോത്രയുടെ വിയോഗത്തില്‍ സിനിമാലോകം ഒന്നടങ്കം അനുശോചനം രേഖപ്പെടുത്തി.