ഈ വർഷത്തെ ഉഷ്ണമേഖലാ ചുഴലിക്കാറ്റ് വെസ്റ്റേൺ ഓസ്‌ട്രേലിയയിലെ വടക്കുപടിഞ്ഞാറൻ തീരത്ത് ഉടൻ എത്തുമെന്ന് കാലാവസ്‌ഥാ വിഭാഗം മുന്നറിയിപ്പ് നൽകുന്നു.

ബ്രൂമിൽ കര തൊടുമെന്ന് പ്രതീക്ഷിക്കുന്ന നരെല്ലേ എന്ന ഓമനപ്പേരിട്ട് വിളിക്കുന്ന ചുഴലിക്കാറ്റ് കഴിഞ്ഞ 20 വർഷത്തെ ചരിത്രത്തിൽ ഉണ്ടായതിനെക്കാളേറ്റവും വലുതാകാമെന്ന വിലയിരുത്തലിലാണ്.

കാറ്റഗറി രണ്ടിലേക്ക് പ്രഹരശേഷി വീണ്ടെടുത്ത ചുഴലിക്കാറ്റിനെ പ്രതിരോധിക്കുവാൻ അധികാരികൾ നടപടികൾ കൈക്കൊണ്ടിട്ടുണ്ടെങ്കിലും ജനങ്ങൾ കൂടുതൽ ജാഗ്രത പുലർത്തണമെന്ന് കാലാവസ്‌ഥാ വിഭാഗം അതാത് പ്രദേശത്തുള്ളവർക്ക് മുന്നറിയിപ്പ് നൽകുന്നു. ബ്‌റൂമിൽ നിന്നും ജെറാൾട്ടൻ വരെ ഗ്രേഡ് 2 മുതൽ ഗ്രേഡ് 4 വരെ പ്രഹരശേഷിയിൽ ചുഴലിക്കാറ്റിന്റെ സ്വാധീനമുണ്ടാകുമെന്നാണ് വിലയിരുത്തപ്പെടുന്നത്. ശനിയാഴ്ച വരെയുള്ള ഏതു ദിവസവും ഒട്ടേറെ മേഖലകളിൽ തീരത്തോടടുക്കാവുന്ന തരത്തിലാണ് ഇപ്പോൾ കാറ്റിന്റെ ഗതിയെന്നാണ് കരുതുന്നത്. കരാത്ത, ഷാർക്ക് ബേ, കോറൽ ബേ , എന്നിവിടങ്ങളിലും ജനങ്ങൾ അതീവ ജാഗ്രത പുലർത്തണമെന്നും അധികാരികൾ മുന്നറിയിപ്പ് നൽകുന്നു.