പെട്രോൾ അടിച്ചിട്ട് പണം നൽകാതെ പോയ ആളെ ഓടിച്ചിട്ടുപിടിച്ച പമ്പ് ജീവനക്കാരനെ അക്രമി ഇടിച്ചു വീഴ്ത്തി. അബോധാവസ്‌ഥയിലായ പമ്പിലെ ജീവനക്കാരനെ എമെർജെൻസി വിഭാഗം റോയൽ പെർത്ത് ആശുപത്രിയിൽ പ്രവേശിപ്പിച്ചു. വെസ്റ്റേൺ ഓസ്‌ട്രേലിയയിലെ അർമഡയിൽ ഫോറെസ്റ്റ് റോഡിലെ വൈബ് പെട്രോൾ പമ്പിൽ തിങ്കളാഴ്ച വൈകുന്നേരമായിരുന്നു സംഭവം.

വാഹനത്തിൽ വന്ന് നിറച്ച് പെട്രോൾ അടിച്ചശേഷം അസഭ്യവർഷവുമായി രക്ഷപെട്ടുപോയ അക്രമിയെ ചോദ്യം ചെയ്തതാണ് ചൊടിപ്പിച്ചത്. സംഭവസ്‌ഥലത്തുനിന്നും മുങ്ങിയ 30 കാരനായ പ്രതിയെ തിങ്കളാഴ്ച രാത്രിയോടെ പോലീസ് പിടികൂടി കോടതിയിൽ ഹാജരാക്കി. അപകടമായ രീതിയിൽ വാഹനം ഓടിച്ചതിനും, പെട്രോൾ മോഷണത്തിനും ഇയാക്കൾക്കെതിരെ കേസ് എടുത്തിട്ടുണ്ട്.