Shibu
അനിയന്ത്രിതമായി വിലയുയർന്നുവരുന്ന വെസ്റ്റേൺ ഓസ്ട്രേലിയയിലെ റിയൽഎസ്റ്റേറ്റ് വിപണി കൂപ്പുകുത്തുന്നതിന്റെ സൂചനകൾ കാണിച്ചുതുടങ്ങി. ഇക്കാലമത്രയും പരമാവധി അഞ്ചു വര്ഷം കഴിയുന്ന സമയത്ത് ഒരു വ്യതിയാനം വിലയുടെയും, ലഭ്യതയുടെയും രംഗത്ത് വന്നിരുന്നെങ്കിൽ ഇക്കഴിഞ്ഞ 8 വർഷമായി അതായത് കോവിഡിന് ശേഷം ഉയർന്നു തുടങ്ങിയ വീടുകളുടെ വിലയിൽ നാളിതുവരെയായി യാതൊരു കുറവും അനുഭവപ്പെട്ടിരുന്നില്ല.
അതുകൊണ്ട് തന്നെ മറ്റ് സംസ്ഥാനത്തുള്ളവർ വെസ്റ്റേൺ ഓസ്ട്രേലിയയിൽ വീടുകൾ വാങ്ങുവാൻ താല്പര്യമെടുത്തിരുന്നു. അതും സംസ്ഥാനത്തെ വില ക്രമാതീതമായി ഉയരുന്നതിന് സാഹചര്യമൊരുകിയിരുന്നു. വീട് വിലയുയർന്ന് മറ്റ് സംസ്ഥാനങ്ങളിലെ വിലയേക്കാൾ മുന്നോട്ടു പോയതിനാൽ മെൽബൺ, സിഡ്നി, ക്യാൻബറ എന്നിവിടങ്ങളിൽ നിന്നും വെസ്റ്റേൺ ഓസ്ട്രേലിയയിൽ വീടുമേടിക്കുന്നവരുടെ എണ്ണത്തിലും ഇപ്പോൾ വൻ കുറവ് വന്നിരിക്കുകയാണ്.
മിഡിൽ ഈസ്റ്റ് മേഖലയിലെ യുദ്ധത്തിന്റെയും, ബാങ്കുകൾ ഭവന വായ്പയുടെ പലിശ ഉയർത്തിയതും, സംസ്ഥാനത്തേക്കുള്ള കുടിയേറ്റത്തിന്റെ തോത് കുറഞ്ഞതോടെയും, റിയൽ എസ്റ്റേറ്റ് രംഗം വിലയുടെ കാര്യത്തിൽ ഇനിയും മുന്നോട്ട് പോകില്ലെന്ന സൂചനകളാണ് ഇപ്പോൾ നൽകിത്തുടങ്ങിയിരിക്കുന്നത്.
സംസ്ഥാനത്തെ ഇന്ധന പ്രതിസന്ധി കടുക്കുന്നതോടെ പ്രതിസന്ധിയിലാക്കുന്ന നൂറു കണക്കിന് മൈനിങ് കമ്പനികൾ അവരുടെ പ്രവർത്തനം നിർത്തുക കൂടി ചെയ്താൽ സംസ്ഥാനത്തെ വീട് വില കുത്തനെ ഇടിയുമെന്നതും യാഥാർഥ്യമാണ്. ഇത്തരം സാഹചര്യങ്ങളുടെ പശ്ചാത്തലത്തിൽ ഇപ്പോൾ തന്നെ സ്റ്റെഡി മാർക്കറ്റിന്റെ സൂചനകൾ കാട്ടിത്തുടങ്ങിയ റിയൽഎസ്റ്റേറ്റ് മേഖല ഈ വർഷം അവസാനിക്കുന്നതിന് മുൻപ് തന്നെ മരവിപ്പ് അനുഭവപ്പെട്ടുതുടങ്ങുമെന്നാണ് സാമ്പത്തിക വിദഗ്ധരുടെ വിലയിരുത്തൽ.
