മെൽബൺ: രാജ്യത്തെ സ്വകാര്യ ഹെൽത്ത് ഇൻഷുറൻസ് പ്രീമിയം ഉടമകളായ 1.5 കോടിയോളം വരുന്ന ഉപഭോക്താക്കൾക്ക് ഇരുട്ടടിയായി ഏപ്രിൽ 1 മുതൽ കുത്തനെ ഉയർത്തുവാൻ കമ്പനികൾ തീരുമാനിച്ചു. നിലവിൽ കമ്പനികൾ 5 ശതമാനത്തോളം തുകയാണ് ഉയർത്തുമെന്ന് പറയുന്നുണ്ടെങ്കിലും തത്വത്തിൽ 12 മുതൽ 25 ശതമാനം തുകവരെ ഉയരുമെന്നാണ് കണക്കാക്കുന്നത്.

യുദ്ധത്തിന്റെ പശ്ചാത്തലത്തിൽ 100 ശതമാനം വരെ വർധിച്ച ഇന്ധനവിലയിലും, അനിയന്ത്രിതമായി ഉയർന്ന റിയൽഎസ്റ്റേറ്റ് മേഖലയിലെ സാമ്പത്തിക അരക്ഷിതാവസ്‌ഥയിലും, സമീപകാലത്തായി ഉയരുന്ന ഭാവനവായ്പാ പലിശയിലെ വർദ്ധനവിലും നട്ടംതിരിയുന്ന ഓസ്‌ട്രേലിയൻ ജനതക്ക് മറ്റൊരു കടുത്ത ബാധ്യതകൂടിയാണ്  സ്വകാര്യ ഇൻഷുറൻസ് പ്രീമിയം വർദ്ധനവ് നൽകുന്നത് എന്നതിൽ സംശയമില്ല.